კლოდ მაკელელემ „გაინეს თასის“ გათამაშების ფინალზე ისაუბრა და განაცხადა, რომ ესპანური და ინგლისური გუნდების დაპირისპირება ძალიან სანახაობრივი იქნება...

„მითამაშია მადრიდის რეალშიც და ლონდონის ჩელსიშიც, ამ ორ გუნდს აბსოლუტურად განსხვავებული ფასეულობები და ტრადიციები აქვს, მაგრამ მინდა გითხრათ, რომ ორივე იბრძვის მსოფლიოში პირველობისთვის, ლიდერობის ჟინი ორივე გუნდს აქვს.“

„კარლო ანჩელოტის ბრწყინვალედ ვიცნობ, რამდენიმე წელიწადი ვიმუშავე ჟოზე მოურინიოსთან და მათი შედარება უბრალოდ არ შეიძლება, პორტუგალიელი სპეციალისტი ფეხბურთს სულ სხვა თვალით უყურებს, იტალიელი კი გაცილებით სხვა პოზიციაზე დგას. ამ ორი ადამიანის მსოფლმხედველობა ერთმანეთისგან რადიკალურად არის განსხვავებული, ვთვლი, რომ ორივეს აქვს დადებითი და უარყოფითი თვისებები, მაგრამ რა თქმა უნდა დადებითი ჭარბობს, სწორედ ამიტომ უდგანან ისინი ისეთ გუნდებს სათავეში, როგორებიც ლონდონის ჩელსი და მადრიდის რეალი არიან.“

„დარწმუნებული ვარ ესპანელები ლონდონელებს არაფერს დაუთმობენ, ინგლისელები კი რა თქმა უნდა ცნობილნი არიან საკუთარი ჟინით, ისინი მატჩის ბოლო წუთამდე იბრძოლებენ და ყველაფერს გააკეთებენ იმისათვის, რომ „ბლანკოსის“ დამარცხება შეძლონ.“

„იმ დროს როდესაც მე სამეფო კლუბის წევრი ვიყავი, რეალი მსოფლიოს საუკეთესო გუნდი იყო, ამ კოლექტივში ირიცხებოდნენ ზინედინ ზიდანი, რობერტო კარლოსი, ლუიშ ფიგუ, რაული, რონალდო, იკერ კასილასი, სანტიაგო სოლარი და ასე შემდეგ. იგივეს თქმა შემიძლია ლონდონის ჩელსის ხანაზე, მაშინ ჩვენ ვერ მოვახერხეთ ჩემპიონთა ლიგის მოგება, რადგან მუდმივად ½ ფინალიდან ვემშვიდობებოდით ტურნირს, თუმცა შემადგენლობა ნამდვილად უძლიერესი გახლდათ, მაშინდელი ჩელსი მართლაც ისტორიაში საუკეთესო იყო დიდიერ დროგბასთან, ჯონ ტერისთან, ფრენკ ლამპარდთან და კიდეც რამდენიმე უმაღლესი კლასის ფეხბურთელთან ერთად.

„სასიამოვნო მატჩს ველი და დარწმუნებული ვარ შეხვედრაში ლამაზი გოლები გავა, ეს იქნება ამერიკული ტურნეს მშვენიერი დასასრული.“