ახალგაზრდა ესპანელი ნახევარმცველი ნელ-ნელა ამტკიცებს, რომ „რეალმა“ მისი შეძენით სწორი გადაწყვეტილება მიიღო.

სამეფო კლუბისა და „გალაქსის“ დაპირისპირებში, ისკომ ნამდვილი შოუ დადგა.„ბლანკოსის“ „23“-ე ნომერმა, ელეგანტური და გამჭოლი პასებით დაგვამახსოვრა თავი.

ყოფილმა „მალაგელმა“ ლომის წვლილი შეიტანა 1-ელ და მე-3 გოლებში.ჯერ იყო და რონალდუს დიდებული შორეული პასი გაუკეთა, რომელსაც დი მარიას გოლი მოყვა, ხოლო შემდეგ არანაკლებ ბრწყინვალე გადაცემა უბოძა კარიმ ბენზემას და ამ უკანასკნელმაც ნაღვაწი წყალში არ ჩაუყარა თანაგუნდელს.