როგორც ორი კვირის წინ, ახლაც მადრიდის "რეალი" ისევ მოექცა პრესის ფურცლებზე, რადგან სამარცხვინოდ გამოეთიშნენ "სამეფო თასის" გათამაშებას "ალკორკონთან".

საფრანგეთი

ყოველდღიური "L'equipe" თვლის, რომ "რეალი" დამცირებული იყო და სწორედ ამიტომ ვერ შეძლო 1/16 ფინალიდან გასვლა. გუნდმა მხოლოდ მინიმალური სხვაობით დაამარცხა სეგუნდა ბ–ს გუნდი (ესპანეთის მესამე დივიზიონი).

იტალია

აპენინებზე "სამეფო კლუბი" არ დაინდეს. Tuttosport-ი დამცინავ განცხადებებს წერს. "ეს მართლაც სასაცილოა. მადრიდელები "ალკორკონმა" დააჩოქა. გუნდი, რომელშიც თამაშობენ კაკა, რაული, ნისტელროი ვერ გაუტანა "ალკორკონს" ერთ გოლზე მეტი "ბერნაბეუზე". ამავდროულად Sky.it ყურადრებას ამახვილებს იმაზე, რომ კაკამ და "რეალმა" ვერ შეძლეს დაემარცხებინათ მესამე დივიზიონის კლუბი და გამოეთიშნენ ასპარეზობას. სტადიონი უსტვენს და ითხოვს გუტის დაბრუნებას". Mediaset-ი თვლის, რომ "ბლანკოსი" უბრალოდ უძლური იყო ამ შეხვედრებში.

პორტუგალია

ყოველდღიურმა სპორტულმა გამოცემა A Bola: "რეალმა" მოიგო, მაგრამ ვერ შეძლო მომდევნო ეტაპზე გასვლა". ყურადღება მახვილდება იმაზე, რომ გუნდს სურდა ხუთი გოლის გატანა და მხოლოდ ერთის გატანა მოახერხეს. ისიც 81–ე წუთზე.

არგენტინა

სამხრეთ ამერიკაში დიდი ემოციებით შეხვდნენ ამ სენსაციას. Ole-ს შემდეგი სათაური ამშვენებდა: "უნდა შეიცვალოს "გალაქტიკოსი". ვარსკვლავურმა მადრიდის "რეალმა" ერთ–ერთი ყველაზე ცუდი მატჩი ჩაატარა არსებობის ისტორიაში. მათ 1:0 დაამარცხეს მეტოქე, ხოლო "ალკორკონმა" ისინი 4:0 გაანადგურა. გუნდი ვერ გავიდა 1/8 ფინალში". ამავდროულად Clarin წერს: "პელეგრინის გუნდმა დიდი გაჭირვებით გაიმარჯვა "ბერნაბეუზე" 1:0 მესამე დივიზიონის კლუბთან. ძირითადში თამაშობდა იგუაინი, რომელმაც ძელს გაარტყა ბურთი. ასევე ითამაშა გაგომ".