ამერიკულ ტურნეში, სამეფო კლუბი პირველ მატჩს ლოს ანჯელეს „გალაქსისთან“ გამართავს.შეხვედრა, დღეს, 06 საათსა და 30 წუთზე (თბილისის დროით) აიღებს სტარტს.

მოგეხსენებათ, აღნიშნული დაპირისპირება, საერთაშორისო თასის ფარგლებში შედგება.ამერიკული და მადრიდული კლუბის პარალელურად, ნახსენებ ტურნირზე შემდეგი გუნდები იღებენ მონაწილეობას: „მილანი,“ „ჩელსი,“ „ევერტონი,“ „იუვენტუსი,“ „ვალენსია“ და „ინტერი.“

ნიშანდობლივია, რომ აშშ-ში ჩატარებული 15 დაპირისპირებიდან, „თეთრებს“ არცერთში უგემიათ მარცხი.

ამასთანავე უნდა ითქვას, რომ მიმდინარე წინასასეზონო მომზადების დროს, „გალაქსიმდე“ „რეალი“ სამ მეტოქეს შეერკინა ამხანაგურად, საიდანაც 2-ში გამარჯვება იზეიმა („ბონმუთთან“ და „პსჟ“-სთან), ხოლო ერთში ფრე გააგორა („ლიონთან“).

რაც შეეხება, ბექემის ყოფილ გუნდთან პაექრობას, გუნდები ისტორიის განმავლობაში მეხუთედ წარდგებიან ერთმანეთის წინაშე.განვლილი 4 თამაში „რეალის“ ბატონობით წარიმართა (ბურთების შეფარდებით 14-4ზე).

ცნობისათვის, „რეალი“ „გალაქსის“ თამაში, ქალაქ ფინიქსში გაიმართება.