"ნაპოლი" აგრძელებს მზადებას მომავალი სეზონისთვის. რაც არ უნდა უცნაური იყოს, მათ მადრიდის "რეალიდან" უკვე სამი ფეხბურთელი შეიძინეს. ესენი არიან: გონსალო იგუაინი, ხოსე მარია კალეხონი და რაულ ალბიოლი. ნეპოლელები ასევე დაინტერესებულნი არიან მადრიდელთა კიდევ რამდენიმე ფეხბურთელით.

პრესა აცხადებდა, რომ "ნაპოლი" მზად არის შეიძინოს მარცხენა მცველი ფაბიო კოენტრაუ "ბლანკოსიდან". ახლა კი, აურელიო დე ლაურენტის ალვარო არბელოას შეძენა სურს და მზად არის მასში 12 მილიონი ევროდ გადაიხადოს. ფეხბურთელის გადასვლას უფრო რეალურს ხდის ის ფაქტი, რომ ალვაროს ძალიან კარგად იცნობს რაფაელ ბენიტესი, რომელთანაც ერთად ის "ლივერპულში" მუშაობდა. ამ ტრანსფერში პრობლემა ის არის, რომ კარლო ანჩელოტი კმაყოფილია თავისი გუნდის დაცვის ხაზით და მცველის გაყიდვას არ აპირებს.

შეიძლება ითქვას, რომ დიდი ალბათობით მომავალ სეზონში მადრიდის "რეალის" ძირითადი ფეხბურთელი დაცვის მარჯვენა ფლანგზე დანიელ კარვახალი იქნება. თუმცა, გუნდი სამ ტურნირზე მონაწილეობს და კარლიტო აუცილებლად მიმართავს როტაციას, ასე რომ სათამაშო პრაქტიკა არბელოასაც ექნება. ანჩელოტი იმედოვნებს, რომ ნეაპოლელთა მოლაპარაკებები მადრიდელებთან ალვარო არბელოას ტრანსფერის თაობაზე გართულდება.

Merengues.ru