წინასასეზონო მომზადების ფარგლებში, „რეალ მადრიდ კასტილიამ“ პირველი ამხანაგური მატჩი გამართა.

ალბერტო ტორილის შეგირდებმა, საკუთარ „ალფრედო დი სტეფანოზე“ 2 უპასუხო გოლი გაუტანეს „ფუენლაბრადას.“28-ე წუთზე თავი ოსკარ პლანომ გამოიჩინა, ხოლო 77-ზე სობრინომ 2-მდე გაზარდა სხვაობა.

„კასტილია“ შემდეგი შემადგენლობით ასპარეზობდა: პაჩეკო (დალმაუ, 70); კინი (გაიტანი, 67), დერიკი (ერმოსო, 67), პულიდო (დ.ლორენტე, 46), ნობლეხასი (ლეონი, 67); ომარი (მუნიოსი, 67), აგუსა (ბურგი, 46); ლუკასი (მ.ლორენტე, 46), ბ.გარსია (ბენავენტე, 58), ბელიმა (სობრინო, 46); პლანო (ნარვაესი, 58).

ახალგაზრდა მადრიდისტები, შემდეგ ამხანაგურ მატჩს, 3 აგვისტოს, „კორდობას“ წინააღმდეგ ჩაატარებენ.