წინასასეზონო მომზადების პერიოდი ერთობ მნიშვნელოვანია კაკასთვის.

ბრაზილიელ შემტევ ნახევარმცველს გაძლიერება მართებს.უწინარეს ყოვლისა, მისი მთავარი საზრუნავი მარჯვენა მუხლია, რომელზეც წარსულში, ორჯერ გადაიტანა ოპერაცია.ბუნებრივია, სხეულის ყველაზე სუსტი წერტილის სათანადო კონდიციებში მოყვანის გარეშე, ფეხბურთელი ვერ გაუმკლავდება დაძაბულ რეჟიმს და შესაბამისად, მისი „დაბრუნების“ შანსებიც კვლავ ნოლს გაუტოლდება.

ოპტიმალურ ფორმაში შესვლის გარანტი, თავდაუზოგავი შრომა და მწვრთნელის მითითების ზედმიწევნით შესრულებაა.ალბათ, სამხრეთ ამერიკელი ყველაფერს გააკეთებს იმისათვის, რათა ერთ-ერთი წამყვანი ფიგურა გახდეს ანჩელოტის ფორმაციის „რეალში.“მას მონდომება ნამდვილად არ აკლია.მეტიც, წინასასეზონო მომზადების პერიოდში, 2 დღით ადრე დაიწყო, ვიდრე დანარჩნემა გუნდმა.

ნიშანდობლივია, რომ კაკას დიდ ყურადღებას აქცევს კარლიტო, რომელიც იმედოვნებს, რომ ბრაზილიელი მალე მოახერხებს კონდიციების აღდგენას.

as.com