როგორც „ას“-ისთვის გახდა ცნობილი, „რეალის“ სამწვრთნელო შტაბის გადაწყვეტილებით, დენის ჩერიშევი და ხესუს ფერნანდესი, პირველი გუნდის სრულფასოვანი წევრები გახდნენ.

რუსმა შემტევმა ნახევარმცველმა და ესპანელმა მეკარემ, შარშანდელი, კასტილიელი, თანაგუნდელების ბედი გაიზიარეს.მოგეხსენებათ, რამდენიმე კვირის წინ, „ბლანკოსის“ მთავარი გუნდის კარი, ნაჩოსთვის, მორატასთვის, კაზემიროსთვის და ხესესთვის გაიღო.ამასთანავე უნდა ითქვას, რომ კლუბის ხელმძღვანელობამ, ნაჩო ფერნანდესს, ხესე როდრიგესსა და დენის ჩერიშევს 2017 წლამდე გაუხანგრძლივა კონტრაქტი, ხოლო რაც შეეხება კაზემიროს, მისი უფლებები სრულად გამოისყიდეს.

ამრიგად, მომავალი სეზონიდან, სამეფო კლუბის პირველი გუნდის რიგებში 9 კანტერანოსი გვეყოლება: კასილიასი, არბელოა, ლოპესი, მორატა, ნაჩო, ხესე, კაზემირო, ჩერიშევი და ხესუსი.აკადემიის ფეხბურთელების რიცხვი შესაძლებელია 2-ით მეტი ყოფილიყო, თუმცა როგორც იცით, გუნდიდან კალეხონი გაუშვეს, ხოლო რაც შეეხება ადანს, ის ცალი ფეხით სხვა კლუბშია.

as.com