გერმანული პრესის ინფორმაციით, სამი ხედირამ შეიძლება კლუბი ამ ზაფხულს შეიცვალოს. მადრიდის "რეალის" და გერმანიის ეროვნული ნაკრების ფეხბურთელი, "მანჩესტერ სიტის", "ჩელსის" და "მონაკოს" ინტერესის სფეროში მოექცა.

მოთამაშის მიმართ ყველაზე დიდ ინტერესს ლონდონის "ჩელსი" იჩენს, რომელსაც "თეთრების" ყოფილი მწვრთნელი, ჟოზე მოურინიო წვრთნის. ჟოზემ კარგად იცის გერმანელის შესაძლებლობები და ძალიან სურს ხედირას შეძენა.

იმისათვის, რომ გერმანელმა ნახევარმცველმა გუნდი დატოვოს, კლუბებს 18 მილიონი ევროს გადახდა მოუწევთ. ხედირას "სამეფო კლუბთან" კონტრაქტი 2015 წლამდე აკავშირებს.