ალვარო მორატას განცხადებით, კარლო ანჩელოტის პოლიტიკა აბსოლუტურად სწორია, მადრიდის რეალი ევროპის ერთ-ერთი ყველაზე ახალგაზრდა გუნდი გახლავთ...

„თუ გინდა წარმატებას მიაღწიო, ახალგაზრდებს შანსი უნდა მისცე, კასტილიელები ბოლო წლებში მუდამ იჩაგრებოდნენ, რადგან არ ხერხდებოდა მათზე სათამაშო დროის მიცემა, ამის მიზეზი ბევრი გარემოება იყო. რთულია დრო მისცე ახალგაზრდა ტალანტს, როდესაც მის პოზიციაზე მსოფლიო ვარსკვლავი გყავს, მაგრამ ამის გარეშე გუნდის შენება წარმოუდგენელია.“

„კარლო კანტერანოებს უდიდეს ყურადღებას გვაქცევს და ყოველთვის გვეუბნება, რომ ჩვენ გუნდისთვის საჭირო ფეხბურთელები ვართ, ჩვენ ვიცავთ ისეთი გუნდის ღირსებას როგორიც მადრიდის რეალია. კასემირო, ხესე, ნაჩო, ჩერიშევი მეტად ბედნიერები არიან, მათ ბავშობის ოცნება აქვთ ახდენილი და ყველაფერს აკეთებენ მაქსიმუმის მისაღწევად, ჩვენ გვაქვს უდიდესი მოტივაცია.“