მოგეხსენებათ, მადრიდის რეალში ძირეული ცვლილებები განხორციელდა, მოვიდა კარლო ანჩელოტი, რომელმაც სულ ახალი სამწვრთნელო შტაბი მოიყვანა, რომელიც უდიდეს ყურადღებას ამახვილებს ფიზიკურ მომზადებაზე...

გავრცელებული ინფორმაციით რიკარდო კაკას ფიზიკური ფორმა იდეალურისგან ძალიან შორს არის, სწორედ ამან განაპირობა ბრაზილიელს მადრიდში დარჩენა და გუნდიდან მოკვეთა. დღეს სამეფო კლუბი საფრანგეთში ადგილობრივ ლიონს დაუპირისპირდება, სადაც კოლექტივის დახმარებას რიკი ვერ მოახერხებს.

კაკა უდიდეს დროს უთმობს ვარჯიშებს, იგი ინტენსიურად ემზადება და ცდილობს სეზონს სრულ მზადყოფნაში დადგეს. დღევანდელი მონაცემებით ბრაზილიელს მოედანზე მხოლოდ 25-35 წუთის გატარება შეუძლია, რაც თავისთავად ძალიან დაბალი მაჩვენებელია.

დღეის მონაცემებით გუნდის საუკეთესო ფეხბურთელი ფიზიკური მომზადების მხრივ კრიშტიანო რონალდო გახლავთ, საშუალო მაჩვენებლით მას ამ ეტაპზე მაქსიმუმ 70 წუთის თამაში უნდა შეეძლოს, თუმცა პორტუგალიელი 90 წუთზეც არ ამბობს უარს. მიუხედავად იმისა, რომ წინასასეზონო მზადება ერთი კვირის წინ დაიწყო, რონალდო შესანიშნავ კონდიციაში იმყოფება.