ერთ–ერთი ყველაზე პერსპექტიული ფეხბურთელი, რომელიც პროგრესირებს ესპანეთის ჩემპიონატში არის "დეპორტივოს" მარცხენა ბრაზილიელი მცველი ლუის ფელიპე. ის ლა კორუნიულ კლუბში 2006 წელს გადავიდა და სამი წლის მანძილზე ჩამოყალიბდა ნამდვილ ფეხბურთელად.

წლევანდელ ზაფხულს მას ჰქონდა შანსი გადასულიყო "ბარსელონაში", მაგრამ "დეპორტივოს" პრეზიდენტი ლენდოირო ითხოვდა ისეთ თანხას, რომელიც არ აწყობდა ჟოან ლაპორტას. 14 ოქტომბერს ლუის ფელიპემ ოცნება აიხდინა და ითამაშა ბრაზილიის ეროვნულ ნაკრებში.

ახლა 24 წლის ბრაზილიელ მცველს აქვს შანსი ითამაშოს "რეალში". გაგიკვირდებათ, მაგრამ ლუის ფელიპემ არენდის წესით ერთი წელი "კასტილიაში" გაატარა 2005/06 წლების სეზონში. "დეპორტივოს" მცველმა ვერაფრით გამოიჩინა თავი და ისევ ლა კორუნიულ კლუბს დაუბრუნდა.

ახლა კი ფელიპე ერთ–ერთი საუკეთესოა მარცხენა ფლანგზე და ისევ აქვს შანსი გრანდში ითამაშოს. არბელოა, დრენტე და მარსელო ვერ თამაშობენ დაცვის მარცხენა ფლანგზე. ფელიპე კი შესანიშნავი ვარიანტია ამ პოზიციაზე და შესაძლოა ის სულაც ზამთრის სატრანსფერო პერიოდში შეუერთდეს "სამეფო კლუბს".


ინფორმაციის წყარო: Defensacentral.com