"ბორნმუთის" დამარცხების შემდეგ კარლო ანჩელოტი მედიის წინაშე წარსდგა.

"პირველი თამაში კარგი იყო. ჩვენი მიზანია ლამაზი ფეხბურთის ჩვენება. ჩვენ გვყავს უმაღლესი დონის ფეხბურთელები. დროდადრო გამოგვდიოდა კომბინაციები, მაგრამ გვქონდა ჩავარდნაც, ეს ნორმალურია. "

"ეს არის პირველი თამაში და ბედნიერი ვარ, რომ გუნდმა კარგად ითამაშა. რა თქმა უნდა ჩვენ უნდა გავაუმჯობესოთ თამაშის ხარისხი, მაგრამ ვარჯიში ერთი კვირაა დავიწყეთ და ეს ყველაფერი ლოგიკურია."

"მნიშვნელოვანია, კრიშტიანუ რონალდუმ, იოზილმა და სხვა ახალგაზრდებმა, მოახერხეს შეტევაში თავიანთი შესაძლებლობების დემონსტრირება."

"იოზილი და ისკო ერთად? ეს იყო ექსპერიმენტი. ვფიქრობ დიდ ფეხბურთელებს ყოველთვის შეუძლიათ ერთად თამაში. წინ ყველაზე რთული სამუშაო გველოდება, საჭიროა ვიპოვოთ ბალანსი შემტევ და დაცვით ტაქტიკებს შორის. მე ვფიქრობ, რომ წარმატებას ეტაპობრივად მივაღწევთ. "

"რონალდუ? ეს არის გუნდის ყველაზე მნიშვნელოვანი მოთამაშე და ასე დარჩება მომავალშიც. ყველა ხედავს, თუ რა შეუძლია პორტუგალიელს. კლუბში კარგი მატჩების ჩატარება მისთვის ძალიან მნიშვნელოვანია."

"იგუაინი? ის არის შესანიშნავი ფეხბურთელი. ამ დროისთვის ის "რეალის" ფეხბურთელია."-განაცხადა ანჩელოტიმ.