ლონდონის არსენალმა ერთხელ უკვე შესთავაზა სუარესის სანაცვლოდ ლივერპულს 35 მილიონი და უარი მიიღო. ლონდონელები ნისლიან ალბიონზე გაუმჯობესებული შეთავაზებით დაბრუნდნენ.

არსენ ვენგერი მზად არის სუარესში 40 მლნ. ფუნტი გადაიხადოს, რაც დაახლოებით 60 მლნ. დოლარი გამოდის. ურუგვაელი თავდამსხმელის კონტრაქტში გამოსასყიდ თანხად კი სწორედ ეს ოდენობა სახელდება.

ლივერპულის მესვეურები კი აცხადებენ, რომ ეს არის ფეხბურთელის სატრანსფერო ღირებულება, რომელიც შეიძლება მათ განიხილონ. კონტრაქტი კი მათ არ ავალდებულებს ლუისი 40 მლნ. ფუნტად გაუშვას.

როგორც ჩანს არსენალი არ ხუმრობს და მალე გაიფორმებს თავდამსხმელს, მიუხედავად მერსისაიდული გუნდის დაბრკოლებისა.