მადრიდის რეალი სავარაუდოდ კიდევ ერთ შენაძენს და გააკეთებს და ახალგაზრდა ფეხბურთელების შემდეგ, ერთ გამოცდილ თავდამსხმელს დაიმატებს. ილარამენდის პრეზენტაციაზე პერესმა განაცხადა, რომ ბლანკოსი ახლოს არის ერთი ძალიან ცნობილი ფეხბურთელის შეძენასთან, თუმცა ვინ არის ეს მოთამაშე არ დაუსახელებია. ჟურნალისტების ვარაუდით ეს ან სუარესი უნდა ყოფილიყო, ან იბრაჰიმოვიჩი. ბეილი გამორიცხეს, რადგან ეს ტრანსფერი ჩიხში არის შესული.

დღეს კი ვრცელდება ინფორმაცია, რომ მადრიდის რეალი ლუის სუარესში 30 მილიონზე მეტის გადახდას არ აპირებს. თეთრები სარგებლობენ უთანხმოებით ლივერპულსა და ურუგვაელ თავდამსხმელს შორის და სურთ იაფად შეიძინონ ფორვარდი. ეს კი ადვილი გასაკეთებელი არ იქნება, რადგან არსენალი მზად არის უფრო მეტი შესთავაზოს წითლებს და რეალიც უკან მოიტოვონ.