მადრიდული გამომცემლობების დღევანდელი ნომრები

As-ი თავის დღევანდელ ნომრის პირველ გვერდზე ირწმუნება, რომ ზლატან იბრაგიმოვიჩს "სურს კარლო ანჩელოტის მიბაძოს" და "პსჟ"-დან "მადრიდის რეალში" გადმოვიდეს.

As-ი აცხადებს, რომ "ნაპოლიდან" ედისონ კავანის შეძენამ შვედი ფეხბურთელი გაანაწყენა, ვინაიდან ურუგვაელი ფეხბურთელი მის პოზიციაზე სათამაშოდ მოიყვანეს. As-ი უფრო შორს მიდის და წერს, რომ ანჩელოტიმ "თხოვა ფლორენტინო პერესს იბრას შეძენა".

Marca-ს თავის პირველ გვერდზე გამოაქვს "მადრიდის რეალის" პირველი ვარჯიშის შთაბეჭდილებები: "კრიშტიანო თავისი ფიტნეს მომზადების მხრივ გაოცებას იწვევს".

"დასვენების შემდეგ პორტუგაიელ ფეხბურთელს არცერთი გრამი არ ქონდა მომატებული და მოძრაობის ინტენსივობაც საერთოდ არ ქონდა მოკლებული"-აღფრთოვანებით წერს Marca-ს ჟურნალისტი.

მადრიდული პრესა ასევე იტყობინება, რომ სერხიო რამოსმა დროზე ადრე შეწყვიტა თავისი კუთვნილი შვებულება და შეუერთდა კლუბს წინასასეზონო მომზადებისთვის.