მადრიდის რეალს იგუაინი თუ დატოვებს სასწრაფოდ დასწჭირდება მაღალი დონის თავდამსხმელი, რადგან მხოლოდ ბენზემას იმედად ყოფნა გუნდს არ შეუძლია. მორატას კი სათანადო გამოცდილება არ გააჩნია. ყოველ დღე სხვადასხვა კლუბები მადრიდის რეალის სამიზნეებს იფორმებენ. ჯერ იყო და მონაკომ შეიძინა ფალკაო. ახლა კი პსჟ-მ კავანი.

პერესმა თვალი ახლა კუნ აგუეროს დაადგა, რომელმაც მართალია გაახანგრძლივა სიტისთან კონტრაქტი 2017 წლამდე, მაგრამ არსებობს ერთი გარემოება, რომელმაც შესაძლოა ხელი შეუწყოს არგენტინელის ესპანეთში დაბრუნებას. მისი შვილი მადრიდში ცხოვრობს და ფეხბურთელისათვის ძალიან ძნელია შვილისგან მოშორებით ცხოვრება, შესაბამისად რეალმა ეს სისუსტე შეიძლება გამოიყენოს.