"მადრიდის რეალმა" ილარას გარეშე ივარჯიშა.

ბურთთან ვარჯიში იყო ძირითადი დღევანდელ სესიაზე. კარლო ანჩელოტიმ დღეს დილით მეორე სავარჯიშო სესია გამართა "მადრიდის რეალის" მთავარი მწვრთნელის რანგში.

ვარჯიში 10:30 საათზე იყო დაგეგმილი, მაგრამ ნახევარი საათის დაგვიანებით 11:00 საათზე დაიწყო, შესაძლოა იტალიელმა სპეციალისტმა ეს დრო ფეხბურთელებთან საუბრისთვის გამოიყენა.

მოედანზე არ გამოჩენილა ასიერ ილარამენდი, რომელიც დარბაზში დარჩა. ილარასთან ერთად მოედანზე არ გამოჩენილან ხაბი ალონსო და ვარანე, რომელიც თავის აღდგენით პროცესს გადის.

პირველ ეტაპზე ფეხბურთელები ორ ჯგუფად გაიყვნენ. პირველ ჯგუფში იყვნენ ნაჩო, დენის ჩერიშევი, ისკო, კოენტრაუ, ხედირა, კაკა, პეპე და კრიშტიანო, ხოლო მეორე ჯგუფში კი-მორატა, კაზემირო, კარვახალი, მოდრიჩი, ბენზემა, იოზილი, დი მარია და იგუაინი.