მოგეხსენებათ, დღეს მადრიდის რეალი პირველ წინასასეზონო ვარჯიშს გამართავს, მანამდე კი ფეხბურთელებმა სამედიცინო შემოწმება გაიარეს, კლინიკაში მისვლისას არგენტინელმა დი მარიამ ჟურნალისტებთან ისაუბრა...

„ამაღლებულ განწყობაზე გახლავართ, ახლა ყველა ერთად ვართ გარდა იმ ფეხბურთელებისა, რომლებმაც კონფედერაციის თასზე დამატებითი დატვირთვა მიიღეს, ჩვენთვის დღევანდელი დღე მნიშვნელოვანია ჯერ ერთი იმიტომ, რომ წინასასეზონო მომზადებას ვიწყებთ, მეორე კი იმიტომ, რომ ახალ მთავარ მწვრთნელს, კარლო ანჩელოტის უნდა შევხვდეთ, რომელსაც თავისი მეთოდები და ფილოსოფია აქვს.
“
„სამუშაო ბევრი გვექნება, რადგან ახალ სპეციალისტთან გვიწევს თანამშრომლობა, ახლა რომ დამრიგებელი ჟოზე მოურინიო იყოს, მხოლოდ იმის ფიქრი გვექნებოდა, სასურველ კონდიციამდე როგორ მივსულიყავით, ამ ეტაპზე განსხვავებული სიტუაციაა, ყველა მოუთმენლად ელის კარლოსთან შეხვედრას ახალი იდეების გაზიარებას და ასე შემდეგ, დღეს ჩვენთვის მართლაც ნაყოფიერი და დაძაბული დღე არის.“