მოგეხსენებათ, არგენტინელი გონსალო იგუაინის შეძენით ლონდონის არსენალია დაინტერესებული. პიპიტა იუვენტუსსაც სურდა, თუმცა მათ უკვე შეიძინეს ლორენტე და კარლოს ტევესი, აქედან გამომდინარე წინა ხაზი გაძლიერებას ნამდვილად აღარ საჭიროებს, არსენ ვენგერი კი მოუთმენლად ელის არგენტინელი ფორვარდის „მეთოფეებში“ ხილვას...

მადრიდული გუნდი ფორვარდის ძიებაშია, მართალია კლუბმა პირვლე კოლექტივში გადმოიყვანა ალვარო მორატა, მაგრამ ეს არ კმარა. ასევე ვრცელდება ჭორები იმის შესახებ, რომ გუნდს შესაძლოა ხესეც შეუერთდეს, თუმცა ეს ფეხბურთელი შეშინებულია, რადგან ფიქრობს, რომ სათამაშო პრაქტიკა არ ექნება და კარიერული თვალსაზრისით უკან დაიხევს, მისი მომავალი ბურუსით არის მოცული, არ არის გამორხული, რომ ახალგაზრდა ესპანელი იჯარით იქნეს განათხოვრებული.

რეალში თავდამსხმელების დეფიციტია, სწორედ აქედან გამომდინარე არ ჩქარობს ფლორენტინო პერესი გონსალოს გაშვებას. რეალური მყიდველი ნამდვილად არსებობს და ეს ლონდონის არსენალია, რომელიც მზად არის საკუთარ ბიუჯეტს 27 მილიონი ევრო მოაკლოს.

როგორც ჩანს ფლორენტინო მოვლენების განვითარებას ელოდება და პიპიტა მხოლოდ მას შემდეგ დატოვებს გუნდს, როდესაც კოლექტივს სხვა მაღალი დონის ფორვარდი შეავსებს.