ესპანეთის ნაკრების მთავარმა მწვრთნელმა, ვისენტე დელ ბოსკემ, იმ ფეხბურთელების განაცხადი დაასახელა, რომლებიც გუნდს მომავალი, ორი, ამხანაგური შეხვედრისათვის დაეხმარებიან.

როგორც მოსალოდნელი იყო, "ფურია როხას" რიგებში ხუთი მადრიდელი გამოიძახეს.ესენი არიან: იკერ კასილასი, სერხიო რამოსი, რაულ ალბიოლი, ალვარო არბელოა და ხაბი ალონსო.ესპანელები 14 ნოემბერს არგენტინას დაუპირისპირდებიან, ხოლო 18 ნოემბერს ავსტრიას.

ესპანეთის ეროვნული ნაკრების სრული განაცხადი:
მეკარეები: იკერ კასილასი, ხოსე მანუელ რეინა და დიეგო ლოპესი
მცველები: რაულ ალბიოლი, კაპდევილა, ალვარო არბელოა, ანდონი ირაოლა, კარლოს მარჩენა, ხერარდ პიკე, კარლეს პუიოლი და სერხიო რამოსი
ნახევარმცველები: ხაბი ალონსო, ჩესკ ფაბრეგასი, სერხიო ბუსკეცი, ჩავი ერნანდესი და ანდრეს ინიესტა
თავდასხმელები: დანი გუისა, პაბლო ჰერნანდესი, ხუან მანუელ მატა, ხესუს ნავასი, ალვარო ნეგრედო, დავიდ სილვა და დავიდ ვილია