მადრიდის "რეალის" წარმომადგენლებმა დღეს ოფიციალურად დაასახელეს სანტიაგო ბერნაბეუს თასის გათამაშების თარიღი.

ამ გათამაშებაში მონაწილეობას მიიღებენ მადრიდის "რეალი" და ყატარის "ალ-საადი", რომელიც 22 აგვისტოს, მადრიდის დროით 22:30 საათზე გაიმართება.

გამომდინარე იქიდან, რომ ეს შეხვედრა ამხანაგური იქნება, "ალ-საადის" კაპიტანი, რაულ გონსალეს ბლანკო თავის გუნდს სტადიონზე გამოიყვანს, მეორე ტაიმში კი იგი მადრიდის "რეალის" მაისურს მოირგებს.

რაულმა 2010 წელს დატოვა სამეფო კლუბი და გადავიდა გერმანულ "შალკეში", სადაც ორი სეზონი გაატარა სწორედ ამის შემდეგ, 2012 წელს "ელ კაპიტანო" ყატარში გაემგზავრა სათამაშოდ. მთელი სამი წლის მანძილზე "რეალის" გულშემატკივარი ოცნებობდა რაულის ისევ ხილვას სამეფო კლუბის მაისურით. გავიდა 3 წელი და მადრიდელებს ოცნება აუხდათ. რაული 45 წუთის მანძილზე იმ გუნდის მაისურით გამოვა მწვანე მინდორზე, რომელთანაც ძალიან დიდი ისტორია და სიყვარული აკავშირებს.