Fox Sport-ი მორიგ ინფორმაციას ავრცელებს გონსალო იგუაინთან დაკავშირებით.

"არსენალი" და "მადრიდის რეალი" გონსალო იგუაინთან დაკავშირებით შეთანხმდნენ. არგენტინელი ტავდამსხმელი ხვალ ლონდონში გაემგზავრება და სამწლიან კონტრაქტს გააფორმებს "მეთოფეებთან".

"ჩვენ გვაქვს თანხმობა "მადრიდის რეალიდან", რომ "არსენალს" პირისპირ ვესაუბროთ და საბედნიეროდ მალე ჩემს შვილს პრემიერ ლიგაში ვიხილავთ"-განაცხადა ხორხე იგუაინმა, გონსალოს მამამ, რომელიც ამავდროულად მისი აგენტიცაა. ფასი, რომელზეც "არსენნალი" და "მადრიდის რეალი" შეთანხმდნენ, შეადგენს 23 მლნ. ფუნტს , რაც მიახლოებით 27 მლნ. ევროა.

Fox Sport-ის მიხედვით გონსალო კვირაში 100 000 ფუნტს მიიღებს (მიახლოებით 117 000 ევრო). ასე რომ, ის "არსენალის" ერთ-ერთი ყველაზე მაღალანაზღაურებადი ფეხბურთელი იქნება თეო უოლკოტთან და ტომას ვერმაელენთან ერთად.