სალგადო: "რეალის ფორმაცია აუცილებლად შეიცვლება"
სამეფო კლუბის ყოფილი ფეხბურთელის, მიჩელ სალგადოს განცხადებით, მას შემდეგ, რაც გუნდში კარლო ანჩელოტი მივიდა და ისკოს ტრანსფერი ოფიციალურად დადასტურდა, თვალნათლივი გახდა, რომ „ბლანკოსის“ სათამაშო სტილი აუცილებლად შეიცვლება.
„თუკი პერესმა ისკოზე გათვალა, მაშინ აუცილებლად მოხდება ცვლილებები, ანჩელოტი ალბათ მილანურ სქემას გამოყენებს და ორი ფორვარდით დაიწყებს თამაშს, არ ვიცი რა ცვლილებები მოხდება, მაგრამ ფაქტია სამეფო კლუბი გადახალისდება და განსხვავებული ტაქტიკით იმუშავებს.“
„რეალში ასპარეზობის დროს არაერთ სპეციალისტთან , არაერთი ტაქტიკით მიმუშავია, ჩვენ ყოველთვის ვიღებდით ახალ გამოწვევებს და ვცდილობდით მწვრთნელის დარიგებები 100% მოგვესმინა და გაგვეთვალისწინებინა, ასე უნდა იყოს ახლაც, რადგან გუნდს ახალი დამრიგებელი ჰყავს, რომელიც საკუთარ ფილოსოფიას დანერგავს.“
„მომდევნო სეზონი ძალიან საინტერესო იქნება, ვნახოთ რას როგორ განავითარებს ახალი მწვრთნელი, რომელსაც ზურგს უდიდესი გამოცდილება უმაგრებს.“
- 3 ივლისი 2013
- 1 454
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.