დღეს "სანტიაგო ბერნაბეუზე" ისკოს პრეზენტაციაა დაგეგმილი.

ადგილობრივი დროით 13:00 (თბილისის დროით 15:00 საათზე) "სანტიაგო ბერნაბეუზე" გაიმართება ისკოს პრეზენტაცია. ფეხბურთელმა სამეფო კლუბთან ხუთწლიან კონტრაქტს მოაწერა ხელი. პრეზენტაციის შემდეგ ისკო მიაშურებს მოედანს, სადაც პირველად მოირგებს "მადრიდის რეალის" მაისურს. ამის შემდეგ ის წარსდგება მედიის წინაშე და უპასუხებს ჟურნალისტების მიერ დასმულ შეკითხვებს.

პრეზენტაციას პირდაპირ ეთერში წარმოადგენს Realmadrid TV და Realmadrid.com, ხოლო ჰალა-ს საიტის ადმინისტრაცია კი ყველაფერს გააკეთებს იმისთვის, რომ არ დაირღვეს ბოლო დროს ჩამოყალიბებული ტენდენცია და ისკოს პრეზენტაცია შემოგთავაზოთ პირდაპირ ეთერში, ხოლო პრესკონფერენციაზე კი გაკეთდეს ტექსტობრივი პირდაპირი ტრანსლაცია, რომლის დროსაც პარალელურ რეჟიმში მოხდება პრესკონფერენციის ქართულად თარგმნა.