მოგეხსენებათ, ფაბიო კოენტრაოს წასვლასთან დაკავშირებით პრესაში დიდი აჟიოტაჟია ატეხილი. მისი შეძენით, რამდენიმე კლუბია დაინტერესებული, თუმცა ყველაზე მეტად ყოფილი გუნდი, "ბენფიკა" აქტიურობს.

The Sun-ის ინფორმაციით, ფაბიოს გადაბირება ლივერპულსაც უნდა. როგორც იცით, მერსისაიდელების მიზანი, მიმდინარე სატრანსფერო ფანჯრის დროს შემადგენლობის მნიშვნელოვანი გაძლიერება გახლავთ, რადგან გუნდი აშკარა კრიზისს განიცდის და იმის ალი-კვალი არ არის დარჩენილი, რაც 2005 წელს იყო, როდესაც ჩემპიონთა ლიგა მოიგო.

ესპანეთში არაერთხელ გაჟღერებულა ინფორმაცია იმის შესახებ, რომ პორტუგალიელი მარცხენა მცველის მსურველებმა მოთამაშის სანაცვლოდ მინიმუმ 20 მილიონი ევრო უნდა გაიღონ. რამდენად მოახერხებს ინგლისის ყველაზე ტიტულოვანი კლუბი ამხელა თანხის გადახდას, მეორე საკითხია, თუმცა დაველოდოთ მოვლენათა განვითარებას.