ლეგენდარული იტალიელი ფეხბურთელის, დემეტრიო ალბერტნის, განცხადებით, კარლო ანჩელოტი მადრიდის რეალში დიდ წარმატებებს მიაღწევს.

"მარჩელო ლიპი და კარლო ანჩელოტი იტალიაში ყოველთვის ანგარიშგასაწევ ძალას წარმოადგენდნენ. ამ ორ მწვრთნელს ყოველთვის დიდი გუნდები ჰყავდათ. არ შეიძლება ფაბიო კაპელოს დავიწყებაც, რომელიც ნამდვილად დიდი სპეციალისტია, თუმცა მას იტალიაში ბედი ხშირად არ წყალობდა. ჩემი აზრით, ფაბიომ ყველაზე დიდი წარმატებებს, სწორედ ბლანკოსის მწვრთნელობის დროს მიაღწია."

"კარლოს პირადად ვიცნობ. იგი უშუალო ადამიანია და არასდროს ცდილობს ვინმესთან დაპირისპირებას. მის გუნდებში ყოველთვის ერთსულოვნება სუფევს, რადგან სწორედ დამრიგებელი ნერგავს ასეთ სიტუციას."

"ყველაფერს დრო გვიჩვენებს. ვგონებ, ანჩელოტის რეალი საკმაოდ ანგარიშგასაწევი გუნდი იქნება, რომელიც ყველა ტურნირზე ფავორიტის სტატუსით იასპარეზებს."