მადრიდის "რეალის" ფეხბურთელმა, კრისტიანუ რონალდუმ, პორტუგალიურ "A bola"-სთან საუბარში დასძინა, რომ ის მოხარულია სამეფო გუნდში თამაშით.

ესპანურ ფეხბურთში გადასვლა
"სიმართლე გითხრათ დღესდღეობით ყველა ქვეყანაში ფეხბურთის ერთი და იგივე სტილია.ცოტაა ისეთი სახელმწიფო, რომლის ჩემპიონატშიც განსხვავებულად თამაშობდნენ."

მადრიდის "რეალი"
"ახალ კლუბში გადასვლა ჰგავს იმ მოვლენას, როდესაც შენ გყავს ახალი მეგობარი გოგონა და გინდა, რომ მას ყველაფრით მოაწონო თავი.მე შესანიშნავად ვგრძნობ თავს სამეფო გუნდში.მიუხედავად იმისა, რომ რამდენიმე შეხვედრა ტრავმის გამო გამოვტოვე, აქაური სტადიონი, ხალხი და მოთამაშეები დამატებით მოტივაციას მაძლევენ."

პორტუგალია ახლოსაა მსოფლიო პირველობაზე გასასვლელად
"ჩვენ ორი მატჩი წარმატებულად უნდა ჩავატაროთ, რათა მოვხვდეთ მუნდიალზე.მთელი პორტუგალია გაერთიანებულია და მომავალს ოპტიმისტურად უყურებს.მერწმუნეთ ამის საბაბი ნამდვილად გვაქვს, რამეთუ ჩვენს გუნდში ირიცხებიან ძალიან ნიჭიერი და მაღალი კლასის ფეხბურთელები.სასიხარულო იქნებოდა, ასე რომ არ განვითარებულიყო მოვლენები და პირდაპირ გავსულიყავით მომავალ მსოფლიოს ჩემპიონატში, თუმცა ეს ფეხბურთია.ნამდვილად ვერ წარმომიდგენია მუნდიალი ისეთი ნაკრების გარეშე, როგორიც პორტუგალიაა."

ესპანურ-პორტუგალიური ბრძოლა პირველობისთვის
"ჩემი აზრით, ზემოდხსენებულ ნაკრებებს ძალიან დიდი შანსი აქვს იმისა, რომ დაეუფლონ ამ ტიტულს."

სამწუხაროდ, ინტერვიუში არაფერია ნახსენები ფეხბურთელის ტრავმაზე და მოედანზე დაბრუნების თარიღზე.