ესპანური გამომცემლობა ”მარკა”-ს ინფორმაციით, კარლო ანჩელოტის კორინთიანსის 25 წლის ნახევარმცველის პაულინიოს შეძენა სურს. ნახევარმცველი გადამწყვეტ როლს ასრულებს კორინთიანსის წარმატებებში და ბრაზილიის ნაკრების ძირითადი შემადგენლობის უცვლელი წევრი არის.

პაულინიოს სატრანსფერო ფასი 17-დან 18 მლნ. ევრომდე მერყეობს, მაგრამ აქ გასათვალისწინებელია ის ფაქტიც, რომ რეალი არ არის ერთადერთი გუნდი, რომელსაც ნახევარმცველი სურს, მის შეძენას უკვე დიდი ხანია ცდილობს ლონდონის ტოტენჰემი. სამეფო კლუბისა და მამლების ინტერესთა კონფლიქტის მორიგი გადაკვეთის წერტილი კორინთიანსის ფეხბურთელი იქნება. მოგეხსენებათ ბლანკოსს დეზების უელსელი ლიდერის გარეთ ბეილის შეძენა სურს, რომელსაც კლუბი არაფრის დიდებით არ უშვებს. სამეფო კლუბი კი პაულინიოს მხოლოდ იმ შემთხვევაში დათმობს, თუ ტოტენჰემი თავის 11 ნომერს მადრიდში გამოუშვებს.