მოგეხსენებათ, კონფედერაციის თასზე ერთამანეთს იტალიისა და ესპანეთის ეროვნული ნაკრებები დაუპირისპირდებიან, მატიო ბალოტელიმ „ფურია როხას“ მცველი, სერხიო რამოსი შეაქო...

„სერხიო არის ის მოთამაშე, რომელსაც ყოველთვის უდიდეს პატივს ვცემდი, მასთან თამაში ძალიან რთულია, რადგან ნებისმიერი ბურთისთვის ბოლომდე იბრძვის, ამას ემატება ფიზიკური ძალა, რომელიც რამოსს აქვს, ესპანელი მცველად არის დაბადებული, იგი საკუთარი საუკეთესო კონდიციების ხარჯზე ყველგან წარმატებას აღწევს, როგორც საკლუბო, ასევე სანაკრებო დონეზე.“

„ყველაფერს გავაკეთებთ იმისათვის, რომ მსოფლიოსა და ევროპის ჩემპიონების ძლევა შევძლოთ, მათ ყველა რგოლში კარგი ფეხბურთელები ჰყავთ, ჩემი მთავარი მიზანი სერხიოსთან ბრძოლა იქნება.“