მოგეხსენებათ, მესუთ ოზილი მადრიდის რეალში ჟოზე მოურინიო მოყვანილი გახლავთ, პორტუგალიელი მწვრთნელი მას დიდ ნდობას უცხადებდა, აქედან გამომდინარე ჟოზეს წასვლამ გაგერმანელებულ თურქს გული დასწყვიტა, თუმცა იგი აცხადებს, რომ „ბლანკოსში“ მრავალი წლის მანძილზე სურს თამაში...

„მარკასთან“ საუბრისას ოზილმა განაცხადა, რომ იგი სამეფო კლუბში თავს ბედნიერად გრძნობს და არსად წასვლას არ გეგმავს, მას პრეზიდენტი პერესისთვისისთვისაც უთქვამს ეს ამბავი.

ოზილი უკვე 3 წელიწადია სამეფო კლუბის ღირსებას იცავს და გუნდის ერთ-ერთ ლიდერად ჩამოყალიბდა, მან უდიდესი გამოცდილება მიიღო ლა ლიგასა და ჩემპიონთა ლიგაზე, ასევე მოახერხა პრიმერას მოგება და ჩემპიონთა ლიგის ½ ფინალურ ეტაპზე 3-ჯერ ასპარეზობა.

მესუთი ახალი მწვრთნელისგან ახალ გამოწვევებს ელოდება და ფიქრობს, რომ მომდევნო დამრიგებელთან ჰარმონიულ ურთიერთობას დაამყარებს.“