გავრცელებული ინფორმაციით, იტალიური ნაპოლის მთავარმა მწვრთნელმა, რაფაელ ბენიტესმა ალვარო არბელოას შეძენა ითხოვა, მისი აზრით ესპანელი მცველი შესანიშნავად გაამაგრებს იტალიური გუნდის მარჯვენა ფლანგს...

დიდი ხანია ვრცელდება ინფორმაციები იმის შესახებ, რომ არბელოასა და სამეფო კლუბის კაპიტანს, იკერ კასილასს შორის სერიოზული დაპირისპირებაა, რაც მცველის კომენტარებშიც აისახა, როდესაც იგი კბილებით იცავდა აწ უკვე მთავარ მწვრთნელ, ჟოზე მოურინიოს.
მას შემდეგ, რაც კარვახალი ლევერკუზენის ბაიერიდან რეალში გადავიდა, არბელოას პოზიციები რა თქმა უნდა ძალიან შესუსტდა.
ფაქტია, ფლორენტინო პერესი ახალგაზრდა კანტერანოს „ბლანკოსში“ არ დააბრუნებდა, თუკი ის გუნდის ძირითად შემადგენლობას არ სჭირდება, როგორც ჩანს ალვაროს გარჯით ხელმძღვანელობა სრულად არ კმაყოფილდება, სწორედ ამიტომ დიდი შანსია, რომ მოლაპარაკებები შედგეს.
ფინანსური დეტალები უცნობია, რადგან ინფორმაცია ჯერ-ჯერობით მხოლოდ ჭორის დონეზე ვრცელდება და არანაირი შეთავაზება არ ყოფილა.