ლივერპულის ევერტონი ფაბიო კოენტრაოს შეძენას ცდილობს, ინგლისელები მზად არის პორტუგალიელი მოთამაშის სანაცვლოდ 20 მილიონი ევრო გაიღონ, რაც მათი ბიუჯეტისთვის ძალიან დიდი დარტყმა იქნება, მაგრამ ინტერესი იმდენად დიდია, რომ ხელმძღვანელობა ამხელა თანხის გადახდაზე თანხმობას აცხადებს...

თავის დროზე პერესმა კოე 30 მილიონ ევროდ შეიძინა ბენფიკადან, პორტუგალიელმა გაცემული ავანსის მხოლოდ 70% გაამართლა, რაც მრავალი ფაქტორით იყო განპირობებული, პირველ რიგში იმით, რომ დაცვის მარცხენა ფლანგს შესანიშნავ ფორმაში მყოფი, ბრაზილიელი მოთამაშე, მარსელო ამაგრებდა და მასთან კონკურენცია დიდ მონდომებასთან იყო დაკავშირებული.

Daily Mail-ის ცნობით ლივერპულელები მადრიდს ოფიციალური წინადადებით მიმართავენ ფაბიოს შესახებ, გუნდის ხელმძღვანელობა მზად არის, მოლაპარაკებების მაგიდას დღესვე მიუჯდეს და ყველაფერი გააკეთოს შეთანხმების მისაღწევად.