ზაფხულის სატრანსფერო ფანჯრის გახსნის შემდეგ, ესპანური გამოცემები, ისკოს გამადრიდელებას წინასწარმეტყველებენ.

ევროპის ახალგაზრდულ ჩემპიონატზე, ფეხბურთელის ბრწყინვალე გამოსვლა, კიდევ უფრო მეტ ინტრიგას მატებს შესაძლო ტრანსფერს, თუმცა დღის წესრიგში დგას ასევე მნიშვნლეოვანი საკითხი - არის თუ არა, ისკოს ადგილი სამეფო კლუბში?

მოგეხსენებათ, „მალაგას“ ამომავალი ვარსკვლავი და მესუთ იოზილი, ერთი პოზიციის ბინადარნი არიან.ამავე ამპლუის კაცია, რიკარდო კაკაც, რომლის სათამაშო დროც, კარლო ანჩელოტის მოსვლის შემდეგ, აუცილებლად გაიზრდება.ამას ემატება კასტილიელი ხესეც.ამ უკანასკნელის პირველ გუნდში გადასვლას, ფლორენტინომ მწვანე აუნთო.

ისკოს მოსვლის შემთხვევაში, ერთ კონკრეტულ პოზიციაზე, ზედიზედ 4 ფეხბურთელს მოუწევს ბრძოლა.რა თქმა უნდა, ჯანსაღი კონკურენცია მისასალმებელია, თუმცა ამ შემთხვევაში, არა ნორმალურ მოვლენასთან გვექნება საქმე.

დაველოდოთ მოვლენების განვითარებას.საინტერესოა, რა გადაწყვეტილებას მიიღებენ მადრიდში.

marca.com