გუშინ 21 წლამდელთა ევროპის ჩემპიონატის ჯგუფურ ეტაპზე ერთმანეთს გერმანია და ესპანეთის ნაკრები დაუპირისპირდნენ, მატჩი საკმაოდ დაძაბული გამოდგა და საბოლოო ჯამში ფურია ხორამ 1:0 გაიმარჯვა. გადამწყვეტი გოლი ალვარო მორატამ გაიტანა. მადრიდისტა მოედანზე 73-ე წუთზე როდრიგოს ნაცვლად შემოვიდა, გოლი კი 86-ე წუთზე შესანიშნავი დრიბლინგის შედეგად გაიტანა. შეგახსენებთ მორატამ ზედიზედ მეორეჯერ მოახერხა 21 წლამდელთა ნაკრებისათვის გამარჯვების მოტანა.