მადრიდის "რეალის" შემტევი კრიშტიანუ რონალდუ მზადაა კლუბთან ახალ კონტრაქტს მოაწეროს ხელი.

Marca-ს ინფორმაციით მოლაპარაკებებმა ფეხბურთელსა და კლუბს შორის მნიშვნელოვანი პროგრესი განიცადა. პორტუგალიელი გუნდში 2018 წლამდე დარჩება. ახალი კონტრაქტის თანახმად რონალდუ ბონუსებს მიიღებს არამარტო გოლებზე და მოგებულ ტიტულებზე, არამედ ბონუსი მას "ოქროს ბურთის'' მოგების შემთხვევაშიც გადაეცემა.

შეგახსენებთ, რომ ცოტა ხნის წინ გამოცემა AS-მა გაავრცელა ინფორმაცია, რომ პორტუგალიელმა ფეხბურთელმა გადაწყვიტა არ განაახლოს კონტრაქტი, რომელიც მას 2015 წელს ეწურება. მოგვიანებით ეს ინფორმაცია მადრიდის "რეალის" პრეზიდენტმა ფლორენტინო პერესმა უარყო.