ლა ლიგის მეათე ტურში მადრიდის "რეალი" "ვისენტე კალდერონზე" მატჩს რაულის გარეშე დაიწყებს. მანუელ პელეგრინიმ თავისი გადაწყვეტილება 24 საათში შეცვალა.

ასე, რომ კარს დაიცავს იკერ კასილასი, ფლანგებზე იმოქმედებენ სერხიო რამოსი და ალვარო არბელოა, დაცვის ცენტრს გაამაგრებენ პეპე და ეზეკილ გარაი, რომელიც დღეს ალბიოლის დისკვალიფიკაციის გამო მოხვდა სასტარტო შემადგენლობაში. ნახევარდაცვის ცენტრში განლაგდებიან ხაბი ალონსო და ლასანა დიარა. მარცხნივ ითამაშებს მარსელო, მარჯვნივ კაკა. თავდასხმის ხაზზე კი ორი ახალგაზრდა ფორვარდი იგუაინი და ბენზემა ითამაშებენ. სწორედ ასეთი შემადგენლობა ჰყავდა ჩემპიონთა ლიგაზე "მილანთან" მატჩში პელეგრინის. ოღონდ გარაის ადგილას ალბიოლი ირჯებოდა. ალბათ ჩილელ სპეციალისტს მოეწონა გუნდის თამაში "როსონერისთან" და ამ შემადგენლობით აპირებს დერბიში თამაშს.

ეს შეხვედრა რაულისთვის იქნება მესამე, როცა მას სათადარიგოთა სკამზე მოუწევს ჯდომა. მან გამოტოვა "ხეტაფესთან" და "მილანთან" მატჩები და დღესაც მოუწევს თადარიგში ყოფნა.


ინფორმაციის წყარო: Marca.com