მადრიდის რეალის წარმომადგენლებსა და ტიაგო ალკანტარას მამას შორის შეხვედრა უკვე გაიმართა. მხარეებმა ისაუბრეს ფეხბურთელის მომავალზე, მაგრამ კონკრეტული შეთანხმებისათვის ჯერ არ მიუღწევიათ.

კატალონიური რადიო RAC1, ავრცელებს ინფორმაციას, რომ ტიაგოს აგენტი პერე გუარდიოლა (პეპ გუარდიოლას ძმა), რომელიც აგრეთვე არის ლუის სუარესის აგენტი, ფეხბურთელს თეთრი მაისურის მორგებას სთავაზობს. ის აგრეთვე აქტიურად მუშაობს ლივერპულის ურუგვაელი ფორვარდის ტრანსფერზე.

რაც შეეხება ტიაგო ალკანტარას, მისი გამოსასყიდი ფასი ამ დროისათვის 18 მილიონ ევროს შეადგენს. პირველი აგვისტოს შემდეგ კი ეს ფასი 90 მლნ. ევრომდე გაიზრდება. ფეხბურთელის შეძენით რამდენიმე წამყვანი ევროპული კლუბია დაინტერესებული და თეთრები ყველაზე რთულ პოზიციაში არიან, რადგან ისინი ნახევარმცველის აღმზრდელი კლუბის, ბარსელონას მოსისხლე მტრებად და უშუალო კონკურენტებად ითვლებიან.

ინფორმაციის წყარო: AS.COM