რაფაელ ვან დერ ვაარტის განცხადებით, თუ არიენ რობენმა მიუნხენის ბაიერნი დატოვა, მისით აუცილებლად უნდა დაინტერესდეს მადრიდის რეალი, რომელმაც უდიდესი შეცდომა დაუშვა მაშინ, როდესაც ჰოლანდიელი გუნდიდან გაუშვა...

"ვრცელდება ინფორმაცია იმის შესახებ, რომ ხოსეპ გვარდიოლას რობენის სათამაშო სტილი არ მოსწონს, რადგან მას თამაშის საკუთარ თავზე აღება უყვარს, პეპს კი გუნდური მოთამაშეები უფრო იზიდავს, აქედან გამომდინარე დიდი შანსია იმისა, რომ ჰოლანდიელი ბაიერნიდან აიბარგოს, თანაც მან საკუთარი მისია შეასრულა და გუნდს ჩემპიონთა ლიგის მოგებაში დაეხმარა."

"მერწმუნეთ, თუკი არიენი რეალში დაბრუნდება, "ბლანკოსს" მსოფლიოს საუკეთესო ფლანგები ეყოლება კრიშტიანო რონალდოსა და რობენის სახით, ისინი ძალიან დიდ დახმარებას გაუწევენ როგორც გუნდის ცენტრალურ ნახევარდაცვას, ასევე ცენტრ ფორვარდებს."

"არიენი 3-4 წლის მანძილზე კიდევ ძალიან ბევრ სასწაულს ჩაიდენს, იგი მსოფლიოს ერთ-ერთი საუკეთესო მოთამაშე გახლავთ, ეს ფეხბურთელი "ბლანკოსმა" აუცილებლად უნდა დაიბრუნოს."