დღეს "ვისენტე კალდერონზე" მადრიდის "რეალის" დაცვის ხაზში ცვლილება იქნება. დისკვალიფიცირებული რაულ ალბიოლის ნაცვლად არგენტინელი ეზეკილ გარაი ითამაშებს.

დღეს "რეალი" უნდა გაუმკლავდეს "როხიბლანკოს" თავდამსხმელებს სერხიო აგუეროსა და დიეგო ფორლანს. "სამეფო კლუბის" დაცვის ცენტრში ცვლილება იქნება, სადაც ალბიოლის ნაცვლად გარაი დაიკავებს მის პოზიციას.

ალბათ გვახსოვთ ალბიოლმა გასულ ტურში "ხეტაფეს" წინააღმდეგ შეხვედრაში წითელი ბარათი მიიღო და გამოტოვებს მნიშვნელოვან დაპირისპირებას. პელეგრინიმ კი გადაწყვიტა გარაი ათამაშოს მის ნაცვლად. მეტცელდერმა კი ახლახანს მოიშუშა ტრავმა და არ არის სათანადო ფორმაში.

ასე, რომ დაცვა დაკომპლექტდება შემდეგნაირად: რამოსი, პეპე, გარაი და არბელოა. "ხიხონთან" მატჩშიც ითამაშა გარაიმ, მაგრამ მაშინ დაცვა სხვაგვარად იყო. არბელოას ნაცვლად მარსელო ირჯებოდა დაცვის მარცხენა ფლანგზე. დღეს კი ბრაზილიელი მარცხენა ნახევარმცველის ფუნქციებს შეითავსებს, ხოლო დაცვის მარცხენა ფლანგს არბელოა გააკონტროლებს.


ინფორმაციის წყარო: Defensacentral.com