როგორც მოგეხსენებათ, ფლორენტინო პერესი მადრიდის ''რეალის'' საპრეზიდენტო კანდიდატია. მისი სლოგანი კი წინასაარჩევნოდ იქნება:
''ერთად ჩვენ გავიმარჯვებთ ! ''

მისი გუნდის პრეზენტაციის დროს, ფლორენტინო პერესი ტრადიციულად სიტყვით გამოვიდა.
''მადრიდის ''რეალი'' ჩემი ცხოვრების განუყოფელი ნაწილია,ვიცი რას მოითხოვენ ფანები ჩვენგან. მე როგორც პრეზიდენტს უდიდესი პასუხისმგებლობა მაკისრია. ბოლო ოთხი წლის განმავლობაში, ჩვენ არნახულ სტაბილურობას მივაღწიეთ და აღარ დავუშვებთ არანაირ უპასუხისმგებლო ქმედებას გუნდში.
ჩვენ შევეცდებით დავიმატოთ მსოფლიოს საუკეთესო ფეხბურთელები, ასევე ესპანელი ტალანტები. კასტილიასაც მეტი ყურადღება მიექცევა.''
პერესს არ დავიწყებია არც საკალათბურთო გუნდი და აღნიშნა, რომ თვრამეტწლიანი შესვენების შემდეგ, ისინი კვლავ გავიდნენ ფინალში.
ფლორენტინო ასევე შეეცდება გააუმჯობესოს იმფრასტრუქტურა, სანტიაგო ბერნაბეუს ჩაუტარდება რეკონსტუქცია და გახდება ევროპის ყველაზე ტექნოლოგიურად სრულყოფილი სტადიონი.

marca.com