ბრიტანული ტაბლოიდი ავრცელებს ინფორმაციას, რომ მოურინიო დაინტერესებულია ისკოს ”ჩელსიში” ხილვით.

ჟოზე მოურინიო კატეგორიულად წინააღმდეგია ფერნანდო ტორესის ”ჩელსიში” დარჩენის და მომდევნო სეზონისთვის რომან აბრამოვიჩს საკმაოდ სოლიდური ბიუჯეტის (მიახლოებით 100 მლნ. ფუნტი, რაც 116 მლნ. ევროს ტოლია) გამოყოფა სთხოვა ტრანსფერებისთვის. მის ინტერესში შედიან: ფალკაო, ჰალკი, შიურლე, მანგალა, ფელაინი, ისკო და კურტუა.

გუშინ ”მალაგას” წარმომადგენლები იმყოფებოდნენ ”სანტიაგო ბერნაბეუზე” და მართავდნენ მოლაპარაკებებს ისკოსთან დაკავშირებით. ახალგაზრდა ფეხბურთელით დაინტერესებულია აგრეთვე ”მანჩესტერ სიტი”.

Daily Star-ი უკვე ავრცელებს ჟოზე მოურინიოს მიერ ”ჩელსისთან” გაფორმებული კონტრაქტის დეტალებს. პორტუგალიელმა სპეციალისტმა ”ჩელსისთან” ოთხწლიანი კონტრაქტი შეათანხმა, რომლის მანძილზეც ის წელიწადში 15 მლნ. ევროს მიიღებს.