მადრიდის რეალის ხელმძღვანელობა დი მარიას თამაშით უკმაყოფილოა და მისი გაყიდვა სურს. პირველ წლებში არგენტინელი კარგად გამოიყურებოდა, თუმცა მას ყოველთვის ახასიათებდა არასტაბილური ასპარეზობა, რაც ხშირ შემთხვევებში გუნდისათვის დამღუპელი იყო. მისი გადაბირება ევროპის წამყვან კლუბებს სურთ, მათ შორის არის პსჟ-ც.

გავრცელებული ინფორმაციის თანახმად, პარიზულ კლუბს ჟერემი მენეზი დატოვებს, რომელიც უკმაყოფილოა სათამაშო დროით, მისი ადგილის შევსება კი არაბ შეიხს დი მარიას ტრანსფერით სურს. ფრანგებმა უკვე მოამზადეს 25 მლნ. ევრო, რომელსაც არგენტინელ შემტევში გადაიხდიან, რაც ურიგო თანხა ნამდვილად არ არის. ამ გარიგებამ კი შესაძლოა კარლო ანჩელოტის გამადრიდელებასაც შეუწყოს ხელი.

ინფორმაციის წყარო: Le Parisien