მოგეხსენებათ, სამეფო კლუბს ჟოზე მოურინიო სულ მალე დატოვებს, აქედან გამომდინარე ფლორენტინო პერესი საგონებელშია ჩავარდნილი, მას სჭირდება მწვრთნელი, რომელიც „ბლანკოსს“ საკუთარ ელფერს დაუბრუნებს და ჩემპიონთა ლიგის მოგებას შეეცდება...

გავრცელებული ინფორმაციით კარლო ანჩელოტისთან ერთად განიხილება ჰაინკესის კანდიდატურას. ერთი პერიოდი მიდიოდა საუბრები, რომ ბაიერნის ამჟამინდელი დამრიგებელი, სამწვრთნელო კარიერას თავს დაანებებდა, რადგან იგი უკვე ასაკშია და არ შეუძლია იმდენი დაძაბულობის ატანა, რამდენიც თანამედროვე ფეხბურთს თან სდევს.

პერესის მთავარი კანდიდატი კარლო ანჩელოტია, მაგრამ იტალიელი სპეციალისტი შესაძლოა პარისენჟერმენში დარჩეს და კონტრაქტის გახანგრძლივებაზეც იფიქროს, ჯერ არაფერია გადაწყვეტილი, კარლიტოს მომავალი ბურუსითაა მოცული, აქედან გამომდინარე პერესი და „კამპანია“ სათადარიგო ვარიანტებს განიხილავენ.