როგორც ჩანს მადრიდის "რეალის" მთავარი მწვრთნელი როტაციას მიმართავს.

სულ ცოტა დრო რჩება "კოპა დელ რეის" ფინალამდე. ესპანეთში განსაკუთრებით ელოდებიან 17 მაისს, რადგან ამ დღეს ორი მადრიდული კლუბი მიმდინარე სეზონში კიდევ ერთხელ დაუპირისპირდებიან ერთმანეთს, თუმცა ამჯერად ეს შეხვედრა ყველაზე მნიშვნელოვანი იქნება.

მადრიდის "რეალის" გულშემატკივარი, რა თქმა უნდა, დაინტერესებულია, თუ როგორი იქნება სასტარტო შემადგენლობა. ძალიან ბევრი თვლის, რომ ჟოზე მოურინიო გარკვეულ როტაციას მიმართავს.

როგორც მოგეხსენებათ, ბოლო პერიოდში ჟოზე მოურინიოსა და სამეფო კლუბის რამოდენიმე ფეხბურთელს კონფლიქტი აქვთ და ექსპერტების აზრით ეს ძირითად შემადგენლობაზეც აისახება. პორტუგალიელი პეპეს ნაცვლად ძირითად შემადგენლობაში ვიხილავთ რაულ ალბიოლს, რომელსაც ბოლო პერიოდში "დონ ჟოზე" თავის გამოჩენის შანსს აძლევს.

ცვლილებები იგეგმება ნახევარდაცვაშიც. მესუთ იოზილის ადგილს ლუკა მოდრიჩი დაიკავებს. რაც შეეხება შეტევის წინა ხაზს, რონალდოსთან ერთად კარიმ ბენზემა ითამაშებს. როგორც ჩანს, გონსალო იგუაინმა მოურინიოს იმედები გაუცრუა.