არც ჟოზე მოურინიო წასულა სამეფო კლუბიდან და არც კარლო ანჩელოტი პარისენჟერმენიდან, მაგრამ ჟურნალისტებმა კარლიტო უკვე „ბლანკოსის“ მწვრთნელად მონათლეს და ერთი მეტად საინტერესო ინფორმაცია გაავრცელეს...

საინფორმაციო წყაროებზე დაყრდნობით „რეალში“ დანიშვნის შემთხვევაში ანჩელოტი კატეგორიულად მოითხოვს ანდრეა პირლოს შეძენას, რომელიც ამჟამად ტურინის იუვენტუსში გამოდის და არც ისე ურიგოდ. იტალიელი სპეციალისტის აზრით მისი თანამემამულე სამეფო კლუბს უდიდეს დახმარებას გაუწევს პირველ რიგში საკუთარი გამოცდილების და კლასის ხარჯზე.

კარლიტოს და ანდრეას მილანში წლები აქვთ გატარებული და ერთად არაერთი წარმატებისთვის მიუღწევიათ, სწორედ აქედან იღებს სათავეს მათი მეგობრობა.