მოგეხსენებათ, დიდი შანსია იმისა, რომ ფაბიო კოენტრაომ სამეფო კლუბი დატოვოს, მისი შეძენის მსურველი კი ევროპის რამდენიმე ქვეყნის რამდენიმე კლუბი გახლავთ, აქედან გამომდინარე ზაფხული პორტუგალიელისთვის ნამდვილად „ცხელი“ უნდა გამოდგეს...

იტალიაში ფაბიოზე პრეტენზიას მილანი და ნაპოლი აცხადებენ, ორივე გუნდი ეცდება სამეფო კლუბთან შეთანხმების მიღწევას, მილანელებს ფლორენტინო პერესთან შესანიშნავი ურთიერთობა აქვთ და აქედან გამომდინარე იმედოვნებენ, რომ პრეზიდენტი სწორედ მათ დაუთმობს საკუთარ მოთამაშეს.

გარდა იტალიისა ფაბიოს შეძენით ინგლისშიც ინტერესდებიან, კონრეტულად მის მიმართ ინტერესს ევერტონი და სვონსი გამოთქვამენ.

მილანს, ნაპოლის, სვონსს და ევერტონს ემატებიან თურქული გალათასარაი და გერმანული ვერდერი, რომლებიც ასევე გამოთქვამენ პრეტენზიას კოენტრაოზე, თურქული კლუბი თანხასაც კი ასახელებს, რომელიც 16 მილიონ ევროს შეადგენს.

ზემოთ აღნიშნულიდან გამომდინარე პორტუგალიელ მარცხენა მცველს უდიდესი არჩევანი აქვს, თუკი სამეფო კლუბმა მასთან თანამშრომლობა აღარ მოუნდება, ფაბიოს ნამდვილად არ მოუწევს ახალი კლუბის ძიება, მასზე უდიდესი მოთხოვნაა.