მადრიდის "რეალს" სურს შეიძინოს "ბენფიკას" არგენტინელი ნახევარმცველი ანხელ დი მარია. მადრიდელებს არგენტინელი ხუანდე რამოსის პერიოდშიც სურდათ, მაგრამ მაშინ დი მარიამ ამჯობინა პორტუგალიაში დარჩენა. ანხელი არგენტინის ნაკრების წევრიცაა.

21 წლის დი მარია კარგად ფლობს ბურთს და სწრაფიცაა. მასში "ბენფიკა" 12 მლნ. ევროს ითხოვს.

მეორე ფეხბურთელი, რომელიც სურს "სამეფო კლუბს" არის "ცსკა"–ს სერბი ფეხბურთელი მილოშ კრასიჩი. მადრიდელთა გარდა მას "არსენალი", "ლივერპული" და "მანჩესტერ სიტიც" აკვირდებიან. მოსკოველები სერბ ფეხბურთელში 20 მლნ. ევროს ითხოვენ.

ახლა დაველოდოთ როგორ განვითარდება მოვლენები. შესაძლოა პერესმა ეს ორივე ტალანტი შეიძინოს.


ინფორმაციის წყარო: Defensacentral.com