ერნან კრესპოს განცხადებით მას ძალიან სურს, რომ კარლეს ტევესი სამეფო კლუბის მაისურში „გამოწყობილი“ იხილოს, მისი თქმით ეს ტრანსფერი კარგი იქნება, როგორც ტევესისთვის, ასევე არგენტინის ნაკრებისთვის, რადგან კარლესი „ბლანკოსში“ უდიდეს გამოცილებას მიიღებს...

„კარლიტო ჩემი მეგობარია და მასთან ინტენსიური კავშირი მაქვს, ძალიან მსურს იგი ესპანეთში ვიხილო, დარწმუნებული ვარ პრიმერას იგი ძალიან კარგად მოერგება და მადრიდის „რეალის“ მთავარი დამრტყმელი ძალა იქნება.“

„თუკი ტევესი რეალს მიაშურებს, იგი უდიდეს გამოცდილებას მიიღებს. ვერ ვიტყვი, რომ მას უდიდეს გუნდებში თამაშის გამოცდილება არ აქვს, მაგრამ „ბლანკოსში“ ყოველთვის განსხვავებული სიტუცია იყო, არის და იქნება, იქ ფეხბურთელები განსაკუთრებულად ძლიერდებიან და ეროვნულ ნაკრებებს გაცილებით უფრო დიდ დახმარებას უწევენ.“

„იუნაიტედში თამაშის დროს ტევესმა ყველას დაუტმკიცა, რომ მსოფლიოში ერთ-ერთი საუკეთესოა, აქედან გამომდინარე დარწმუნებული ვარ იგი „ბლანკოსის“ დონეს და რიტმს თავისუფლად აუღებს ალღოს.“