"ვალიადოლიდის" წინააღმდეგ ჩატარებული მატჩი, მესუთ ოზილისთვის 100-ე გამოდგა ლა ლიგაში.

როგორც მოგეხსენებათ, გერმანელმა ფეხბურთელმა საგოლე გადაცემა მიითვალა, რომელიც მისთვის 44-ე აღმოჩნდა. ოზილი სამეფო კლუბს 2010/2011 წლების სეზონში შეუერთდა და მისი დებიუტი 2010 წლის 29 აგვისტოს, საშინაო მატჩში, "მალიორკას" წინააღმდეგ შედგა.

მას შემდეგ ოზილმა ლა ლიგაში 99 შეხვედრა ჩაატარა. პირველ სეზონში მან 36 შეხვედრაში 6 გოლის გატანა მოახერხა. მიმდინარე სოზონში კი მას 29 მატჩში 8 გოლი დაუგროვდა, რაც საკმაოდ კარგი შედეგია.